「混合資產基金」簡單嚟講就係隻基金會投資於股票、債券及現金存款等多個資產。因為股票屬於高風險投資類別，對整個基金嘅投資回報影響最大，因此積金局會以「混合資產基金」裡面嘅股票比重再細分來比較其回報。
唔講你未必知道，「混合資產基金」佔強積金總資產36%，僅資於「股票基金」嘅42%。而強積金裡面「混合資產基金」有178隻，比「股票基金」多出33隻，喺唔同類別上排名第一。唔少人選擇「混合資產基金」，一方面佢可以ride on股票嘅升幅，而另一方面又有啲防守性資產，可謂進可攻退可守。而政府近年大力推動嘅「預設投資策略」裡面嘅「核心累積基金」同「65歲後基金」都屬於「混合資產基金」呢個類別。
回報方面，「混合資產基金」5年累積回報平均達26.23%，年回報4.77%。同「股票基金」比較會有一段距離。但係你畢竟唔知道個市幾時好幾時差，因此「混合資產基金」其實都係一個唔錯嘅選擇。
1.宏利安聯東方太平洋基金
宏利退休精選（強積金）計劃 ⬆️93.81%
2.海通核心累積基金
海通MPF退休金 ⬆️46.40%
3.東亞核心累積基金
東亞（強積金）享惠計劃 ⬆️44.58%
4.東亞（強積金）核心累積基金
東亞（強積金）集成信託計劃 ⬆️43.74%
5.中銀保誠核心累積基金
中銀保誠簡易強積金計劃 ⬆️43.70%
備注﹕
若該基金含有不同單位，排名只計算較高回報的基金單位
資料來源﹕積金局網頁
