【其實你知唔知自己總共有幾多個MPF戶口？】

打工仔轉工密就係人都知，但係真係估唔到有啲人有多過5個MPF戶口。

根據積金局2020年統計顯示，超過42%港人持有2個或以上MPF戶口，其中3.2%（約106,000人）持有多過5個戶口。講真轉過5份工唔出奇，出奇嘅係有多過5個MPF營辦商嘅戶口。事實上，近年最大嗰幾間營辦商積極擴充MPF市場業務，而單就宏利同匯豐加埋已經佔左超過43%嘅市場份額，因此你可以係5間用唔同MPF營辦商嘅公司打過工一啲都唔容易。

如果你有多個MPF戶口，最直接嘅影響就係操作問題。每次想轉MPF基金你都要重覆做幾次，月結單又要每月睇幾張。因此整合做一個MPF戶口係比較方便嘅做法。假如你唔多鍾意你公司出糧嗰間MPF，你可以揀一間心儀嘅營辦商做整合，咁即係代表你會有2個MPF戶口。但係要注意整合只會處理以往嘅MPF資產，下次公司幫你供嗰份MPF依然會用番公司嗰間。

坊間唔同嘅MPF營辦商就整合轉移都會有回贈優惠，不過建議都要認真睇下MPF計劃內成份基金嘅選擇同表現，同埋比較下唔同營辦商嘅網上服務同質素，詳情可前往積金局網頁。