講到MPF基金，唔好以為嚟嚟去去淨係得港股基金，美股基金，環球債券基金，保守基金，原來仲有一啲非主流嘅基金。不同營辦商為咗貼近市場嘅潮流，推出更多投資主題嚟俾打工仔有更多元化嘅選擇。其中有啲成績唔錯，有啲大受歡迎，今次我地一切嚟探討一下。
友邦綠色退休基金
呢兩年ESG（環境、社會及管治）概念大熱，而ESG相關資產類別嘅投資亦以exponential rate上升。但喺其實早於2006年，友邦已經推出咗綠色退休基金。綠色退休基金其中一項重要嘅指標就喺有關公司的環境評級，友邦會根據佢環境評級及盈利前景作出投資決定，而附合標準嘅公司多數位於美國。綠色退休基金近年嘅成績相當唔錯，回報喺友邦裡面只僅次於美洲基金。
宏利MPF康健護理基金
就算你唔係宏利嘅客，你可能都聽過宏利嘅康健護理基金。你身邊亦都可能有唔少同事就因為佢而過檔宏利。康健護理基金可以話喺MPF裡面嘅明星基金。資產規模上面只喺落後於永明嘅香港股票基金排名第2。以一隻概念基金嚟講吸金能力非常之強。長時期穩定嘅回報加上適逢Covid爆發，令康健護理基金更受追捧。
海通韓國基金
平時都唔係好多人會特別關注韓國KOSPI 200指數，而海通竟然仲特別推咗隻韓國基金，可以話喺相當「前衛」。基金早喺自2001年推出，成績跑贏KOSPI。但喺因為韓國主題相對冷門，而且韓國股市近年表現未算突出，相信大部分人都未必會知道市面上有一隻韓國基金。
