好多時候，隨著市況變動，會想郁吓嗰MPF組合，但係又擔心有額外收費，結果就由得佢放係度。所以今次，我哋嚟解釋吓一般人對轉換MPF嘅謬誤。
(1) 會唔會有買賣差價?
同兌換外幣去旅行唔同，MPF基金每日只有一口價，而且無買入賣出價。意思係如果嗰基金價格係100蚊，你當日買同賣都會係100蚊。不過，基金價格會係兩日後先見到，所以做轉換時你係見唔到價，淨係可以輸入基金比重。
(2) 會唔會有手續費?
係一般情況，買入同賣出都係免費。
(3) 每年可以轉換幾多次?
無錯，你無睇錯，係無限次轉換。當然，如果你持有嘅係保本基金又或者之前轉入時有一啲優惠條款，咁就可能因為你轉出時未達到指定條件而取消。
你會發現，轉換MPF比起股票同外幣轉倉著數好多。基本上你可以不停咁轉嚟轉去。而呢啲優惠其實係鼓勵你定期檢視及調整你MPF組合。
