唔滿意公司MPF計劃表現，你有權選擇你MPF的托管人
你有無試過，望住個市升得咁過癮，以為自己MPF 都賺到盆滿缽滿嗰陣。點知一撳落自己戶口，發現結餘竟然無咩點郁。嗰種失落，有時重慘過輸錢。你會覺得自己老細真係「英明」，最差嗰個強積金計劃都俾佢揀中。不過好彩，原來係2012年開始，政府推出左強積金「半自由行」，你終於可以幫你的供款戶口選擇一個最好歸宿。
咩野係強積金「半自由行」
強積金「半自由行」，係指你現時每個月的MPF供款裡面，你有一半的話事權。你可以轉移你自己供左嗰份去你鍾意的托管人同MPF計劃，但你公司幫你供嗰份你仍然唔掂得。轉走左你自己嗰份之後，下期糧單僱主供款與及你個人供款依然會照舊投資在原本(即現時公司)的MPF計劃，故此你需要每年向你所選擇的MPF托管人發出轉移指示。而之所以遲遲未能推出「全自由行」，因為公司幫你供嗰份MPF涉及長期服務金同遣散費等問題，處理上會變得非常複雜。
如何轉移強積金計劃
最簡單嘅方法，就係當你選擇左你想用的MPF計劃後，直接搵番嗰間托管人的 Agent。只要你提供所需資料，Agent 會幫你搵番你所有名下的MPF Accounts，同埋幫你填表進行整合。當然你亦可親力親為，自行填妥「計劃成員整合個人帳戶申請表」，並交給你所選定的受託人。
「半自由行」推出以來，每7個強積金成員就有1個作出轉移
總括而言，「半自由行」都算係利多於弊。根據積金局顯示，每7個強積金成員就有1個曾經轉移過僱員供款部分。原因係「半自由行」使MPF行業產生良性競爭，令MPF基金開支降低。另外，你可以揀選你心儀的MPF基金，唔再受公司原本的MPF計劃限制。與此同時， MPF托管人亦不時提供單位回贈吸引僱員過檔。不過，要注意轉移MPF托管人需要用兩至三個星期，期間投資真空期有可能導致低賣高買。同時，如果你有買開保本MPF基金，就可能會因為你提早轉移而有機會輸錢。
