港大醫學院研究表示，香港連續7年成為全球最長壽嘅地區，男性平均大約有85歲，女性平均就有90歲。比其他先進國家例如日本(男:81歲，女:87歲)及英國(男:79歲，女:83歲)都高出唔少。長壽原因主要喺由於香港嘅吸煙率較低，所以就順理成章咁降低咗心血管引致嘅死亡率。
長命固然喺一件好事，但喺你又夠唔夠錢嚟support你退休後嘅生活呢? 香港而家並無法例規定你退休嘅年齡。而一般公司同機構都定喺65歲。咁即係話你會有起碼20年去洗你儲落啲錢。假設你唔想靠仔女，有私人物業，又想得閒去吓旅行，過吓啲舒適嘅退休生活，你閒閒地每月開支多過2萬銀。20年就至少480萬。而就算你夾埋你僱主供嗰份MPF(假設每月3千)，供40年都喺得嗰144萬。(嘥咗10分鐘撳一輪計數機後..)即喺話每年至少做到5厘回報先得喎。分分鐘你老細仲用你啲MPF去扣你啲長期服務金，咁永遠無得退休啦?
唔係話定期有效率調整MPF組合一定可以達成理想嘅退休生活，不過至少比唔理或者靠估嘅機會大囉。當然我地最鼓勵就係襯後生努力搵錢啦。
