當tracker fund不再能index tracking…. 會被sub走都算無可厚非。
是咁的，唔知大家仲記唔記得，年初特朗普頒佈嘅美國行政命令，限制美國人或機構停買個別中資股。盈富(02800)具有美資背景，於是就暫停咗購買中移動 （00941） 、聯通 （00762）等恆指成分股。雖然3日之後又轉軚，但期間中移動同聯通都升咗唔少，不過由於呢兩間電訊股在恒指比重僅5%，所以你可能又唔係好覺得有影響。
貴為全港最大嘅追蹤恆生指數ETF，盈富為咗維持佢嘅身份，於7月尾公佈禁止美國人購買，咁意味住佢將不受未來嘅制裁影響。可惜年初操作混亂，唔少投資人士及機構對佢已經失去信心。
今次中銀保誠「我的強積金計劃」旗下「我的香港追蹤指數基金」將盈富基金（02800）改為投資南方東英恒生指數ETF（03037），係首個選擇轉換追蹤指數基金嘅強積金計劃，不過相信其他嘅受托人都可能會陸續有所行動。
