慘痛!今年強積金真係蝕到入肉!
全港492隻強積金基金，當中只有38隻近一年贏緊。即係話，10隻基金裡面9隻都係輸錢。
睇真啲，6種唔同類型嘅強積金，近一年裡面，只有保守基金賺得嗰0.005%雞碎咁多，其餘股債雙輸，兩者分別輸12.35%同22.00%。最離譜嘅係，保證基金都可以輸7.77%，情況令人氣餒!
不過話說回來，7.77%呢個數字其實又未能真實反映保證基金表現。事關保證基金多有附帶條件，如保留基金指定年期，供款次數等。而積金局數據並未顯示「被保證」後表現。
