上個禮拜就講到永久性離港可以提早拎MPF，但究竟申請嘅時候需要準備啲咩文件呢？
無論咩原因申請提早拎MPF，我哋一般要準備嘅文件有 i) 身分證明文件, ii) 申索累算權益嘅表格 及 iii) 法定聲明表格。除左上述呢啲之外，以永久性離港為理由既申請需要俾埋 其他地方居住嘅證明文件，比如 (以下其中一樣)：
– 居留許可證
– 移居地的租置物業住址證明
– 水、電費單等公用事業帳戶資料
– 由香港稅務局發出的離港清稅文件
但切記切記，單靠旅遊證件 (例如 BNO、回鄉証) 係唔足夠證明永久性離港㗎，所以大家要留意喇！
最後一個小貼士！法定聲明表格嘅簽名要喺主任面前簽㗎，否則就要花時間再填多一次份表㗎喇！
