承接上文，哈利，榮恩同妙麗都想供自願性強積金供款儲錢….
哈利:
我想供自願性強積金但又驚有時周轉不靈，同時亦想因應每個月嘅狀況嚟決定供幾多。咁邊款會最啱我呢？
分類帽:
揀SVC喇！因為佢可以俾你隨時拎返啲供款！而且，你亦都可以好Flexible 咁自己決定幾時供同埋供幾多，揀埋自己鍾意嘅強積金計劃，彈性會比較大㗎！
榮恩：
我想供自願性強積金而且又希望自己可以交少啲稅。邊款會啱我多啲？
分類帽:
揀VTC喇！最多每年會有$10,200嘅稅務扣減㗎！而且，VTC係唔需要你用返本身公司嘅強積金計劃㗎！
妙麗：
我想供自願性強積金，但係唔想管一堆MPF戶口，亦都驚高估咗自己嘅經濟能力而增加額外嘅負擔。咁邊款會啱我多啲？
分類帽:
揀Employee VC喇！因為佢喺用你現有嘅計劃進行供款。同埋，供款額係同收入掛勾㗎，咁就唔驚會負擔唔起啦！
睇完以上哈利，榮恩同妙麗嘅情況，相信大家都更加清楚咁明白每一款自願性供款嘅分別，同埋喺唔同要求下邊一款會啱啲。當然選擇自願性供款都係要自己安排投資組合嘅，如果回報太低咁無論有幾多本錢都達唔到儲蓄增值嘅目標啦！
