由2021年第2季開始，中港股市同環球股市走向呈現兩極化。港股由今年2月高位掉頭，下調整整20%。與此同時，歐美指數雖有回調，但整體仍然向上。不過近期，唔少大行已經開始唱淡環球股市，直言全球股市過熱。通漲升溫，買債規模縮減，疫情仍然未受控，再加上政策因素令一眾科網股受壓，環球市況情況並未樂觀。
呢個時候，唔少人嘅MPF資產已經開始重新部署，由股票基金轉移到較為防守嘅債券基金。雖然債券基金多數喺用於Risk Off嘅時候，但原來5年總回報最好同最差嘅債券基金竟然相差超過17%？!
宏利人民幣債券基金表現最佳
市面上可選擇嘅MPF債券基金有36隻（不包括不同單位），5年計回報最好嘅喺宏利MPF人民幣債券基金，有16.37%（年均回報3.08%），最差嘅喺BCT（行業）環球債券基金，5年後重要輸緊0.66%。而隨住人民幣去年抽升，宏利MPF人民幣債券基金嘅1年回報更加去到6.58%，比部分股票基金（都係講緊最多人買嘅香港股票基金）還要高。以債券基金一般風險級別（量度波動幅度單位，最高7，最低1）為3-4，宏利MPF人民幣債券基金嘅風險級別屬於3，在債券基金中以相對較低風險而有此回報，表現實在非常亮麗。
環球債券基金友邦居首
不過，唔喺所有營辦商都有出人民幣債券基金，如果想apple to apple咁比較，就應該要選擇幾乎每個MPF計劃都有嘅環球債券基金。喺20個唔同MPF計劃裡面，排頭嘅喺友邦強積金優選計劃環球債券基金，5年總回報有13.65%，亦都喺只有佢5年有雙位數回報。而且喺大多數環球債券基金去年錄得輕微負回報嘅情況下，友邦環球債券基金仍然有0.98%正回報，表現相當不俗。
喺市況唔明朗嘅情況下，若打工仔想轉攻為守，債券基金確實喺一個唔錯嘅選擇。即使積金局力推嘅懶人基金，65歲後基金都喺主要投資於環球債券，可見其防守特性。而喺長期投資裡面，債券基金更與另外兩款防守資產–保守基金同保證基金有著明顯差距。
資料來源﹕積金局網頁
