【永久離港為由提取MPF上季再破頂﹗有錢人都想要移民？】

根據積金局季報顯示，以永久離港為由提取MPF 涉及嘅金額由第2季20.95億港元上升至第3季嘅26.04億港元，按季升咗24.3%。申索數目亦都由8,000宗增至9,300宗，平均每宗申索金額涉及28萬。

雖然永久離港未必就代表移民，亦都有可能係啲外藉人士結束在港工作又或者部分人移居內地生活所致。而申請數目亦都唔代表離港人數，因為每個人都可能擁有多過一個MPF戶口。但係申索個案大增與移民潮估計有直接關係，而平均每宗申索金額嘅上升亦都顯示提取MPF人士比過往相對有錢。