test

港人愛港股基金，看似理所當然。係強積金供款裡面，每3蚊就有1蚊落入咗港股資產。根據積金局資料顯示，港股相關基金5年平均回報僅0.2%，仲底過保守基金嘅0.44%。究竟有咩令你對港股基金情有獨鍾?

截止2022年5月，強積金總共有27個計劃，總資產超過11,208億。當中每個計劃雖然基金數目不同（由10隻至29隻基金），但當中必然會包含股票基金，債券基金，混合資產基金，強積金保守基金，貨幣市場基金及保證基金。基金有得揀，但係其實真係揀嘅人並唔多，多數人都唔係點理，攞埋左強積金係一邊。甚至有啲人由此至終都無郁過，希望大家定期review 吓自己啲強積金，儲多啲錢退休。

整整4個月負回報，強積金終於係5月有少少回穩跡象。無論你揀左個邊個國家嘅股票基金，全部回報見紅，無一倖免。但係你可能估唔到，香港（追蹤指數）嘅股票基金（上年排尾3）竟然輸得最少，年初至今蝕大概8.37%。而上年輸得最甘嘅中國股票基金，今年繼續弱勢排尾2，情況令人憂慮。

立法會今日三讀通過取消強積金對沖方案，當真可喜可賀。但係要留意，取消對沖真正落實生效要等到2025年。咁即係話，如果你咁唔好彩係呢2025年前俾人裁員，你部分嘅遺散費或長期服務金都會係僱主幫你供嘅強積金上面扣。

年初至今，人均強積金連續4個月都見紅。雖然美股表現仍然OUTPERFORM其他股市，但係去年嘅盈餘今年已經無咗一大半。而單計近一年回報，只有友邦嘅友邦北美股票基金同友邦美洲基金仍然賺緊錢，其他嘅已經開始倒蝕，同期S&P亦已錄得-0.01%回報，情況不容樂觀。