【保守基金喺咪令你立於不敗之地？】

有部分打工仔，因為怕擺啲MPF係股票基金度蝕哂，所以選擇咗無咩風險嘅保守基金。根據積金局年報顯示，全港MPF總資產約有10%泊係保守基金，究竟呢個部署喺咪令你立於不敗之地？

我地簡單咁用咗老麥嘅麥樂雞餐嚟模擬通脹。2011新推出超值套餐，麥樂雞餐賣20蚊。如果當時你將嗰$20放咗落保守基金，諗住10年後先拎出嚟買雞食。到咗2021年，你個MPF戶口變咗做$20.59(以所有保守基金嘅10年回報計算)，而麥樂雞餐就已經去到$25。如果可以散賣，你仲食到4件幾雞嘅… 但係一般人一生要打40年工，到時你嘅MPF仲值幾多呢？

所以，如果你唔係將近退休，長遠放係保守基金其實唔太明智，如果唔係，政府嘅懶人基金就唔會無保守基金啦。

呢度再補充少少，保守基金都有可能會蝕，不過相對就比較穩定。另外，當保守基金當月回報低過訂明儲蓄利率，受托人當月就唔會收費。