【「預設投資計劃」2021年表現回顧】

February 21, 2022
強積金, 預設投資計劃

「預設投資計劃」又稱「懶人基金」上年呢幾間都賺超過10%?!

自2017年4月，每一個強積金計劃各自提供了「預設投資計劃」，即坊間的「懶人基金」。計劃由兩隻混合資產基金 – 「核心累積基金」及「65歲後基金」組成。喺上年，當港股基金平均跌14.66%嘅時候，「核心累積基金」平均就咗升1成，所以其實「懶」又未必一定代表差。

環球股票市場表現兩極，突顯「預設投資計劃」優勢

「核心累積基金」6成投資於較高風險資產（主要環球股票），4成投資於較低風險資產（主要環球債券）。「65歲後基金」則2成投資於較高風險資產（主要環球股票），8成投資於較低風險資產（主要環球債券）。就去年，最好（美國股票基金升 25.44%）與最差（中國股票基金跌19.03%）的股票基金表現相差超過44%，而「核心累積基金」平均回報高達10.01%，「65歲後基金」亦錄得1.03%回報，可以話係相當唔錯。

六個計劃內「核心累積基金」賺超過1成，其中海通、匯豐、恆生最佳

撇除唔同基金單位，海通核心累積基金成績最好，2021年上升11.59%。匯豐恆生跟隨其後，上升11.28%。信安核心累積基金表現則相對失望，升幅只有9.11%，不過相差都只係0.48%。

「預設投資計劃」比一般混合資產基金防守性較強

「預設投資計劃」具以下三個特性

令計劃本身不單能在股票市場上揚時獲得一定回報，亦避免好似2021年度，個別市場（中國及香港）下滑時做成過份虧損，詳情可閱讀我們之前撰寫的「預設投資基金」（懶人基金）一圖看清。

「預設投資計劃」適合時間繁忙嘅打工仔，但未必啱想賺大錢嘅你

如果你屬於工作時間很長，無時間打理自己嘅強積金戶口，又或者唔識投資，唔想對住一堆數字，基本上「預設投資計劃」特別適合你。現時大概每4個賬戶就有1個選擇「預設投資計劃」。但如果以總資產而言，「預設投資計劃」只佔當中的大約5%。原因有二，一方面因為推廣不足，另一方面打工仔偏進取，詳情可閱讀我們之前撰寫的懶人基金幫緊你，幫緊你，係咪真係幫緊你?

備注﹕

若該基金含有不同單位，排名只計算較高回報的基金單位
排名包括不同計劃但相同營辦商基金

資料來源﹕積金局網頁

相關文章︰