慘痛! 今年強積金真係蝕到入肉!

全港492隻強積金基金，當中只有38隻近一年贏緊。即係話，10隻基金裡面9隻都係輸錢。

每一間強積金總有佢自己嘅明星強積金，最受人歡迎，最多人會擺錢入去。我地就睇下每間營辦商最有規模嗰隻強積金表現如何。

強積金計劃基金平均回報，即係計劃內基金嘅總回報除以基金數目。如果以平均回報嚟睇強積金計劃，【BCT（強積金）行業計劃】以-12.17%排列榜首。而【交通銀行愉盈退休強積金計劃】以-16.20%敬陪末座。但係揀強積金計劃，千祈唔好就咁睇平均回報。

係以前，當你轉工嘅時候，你一定會收到一本超厚嘅書，你唔會打開裡面嚟睇。你淨係知道，裡面有好多圖同數目字令你覺得好煩，仲有好多詞語你都唔知佢up咩野。你唯一知道嘅係，呢本野講啲有關MPF嘅野。佢叫做《強積金計劃說明書》。而你可能覺得佢嘅唯一用處，就係攞嚟墊臺食飯。結果浪費又唔環保。

正當強積金彌漫住一遍愁雲慘霧，呢一邊箱啱啱又睇到前半年人均輸過3萬，另一邊箱又聽到強積金經歷左自成立而來成績最差頭半年。的而且確，在過去一年，所有強積金計劃下嘅股票基金，混合資產基金甚至連債券基金都無一倖免，情況十分糟糕。

強積金經歷左自系統2000年成立以來表現最差嘅頭半年。以強積金人均資產254,360港元計算，每人輸近33,453港元，大挫13.15%。6個月當中，只有5月份賺左個崩，羸957港元，其餘月份都係輸錢，情況令人失望。所有資產類別當中，亦只有保守基金錄得正回報，其餘全軍盡墨。

港人愛港股基金，看似理所當然。係強積金供款裡面，每3蚊就有1蚊落入咗港股資產。根據積金局資料顯示，港股相關基金5年平均回報僅0.2%，仲底過保守基金嘅0.44%。究竟有咩令你對港股基金情有獨鍾?

截止2022年5月，強積金總共有27個計劃，總資產超過11,208億。當中每個計劃雖然基金數目不同（由10隻至29隻基金），但當中必然會包含股票基金，債券基金，混合資產基金，強積金保守基金，貨幣市場基金及保證基金。基金有得揀，但係其實真係揀嘅人並唔多，多數人都唔係點理，攞埋左強積金係一邊。甚至有啲人由此至終都無郁過，希望大家定期review 吓自己啲強積金，儲多啲錢退休。

整整4個月負回報，強積金終於係5月有少少回穩跡象。無論你揀左個邊個國家嘅股票基金，全部回報見紅，無一倖免。但係你可能估唔到，香港（追蹤指數）嘅股票基金（上年排尾3）竟然輸得最少，年初至今蝕大概8.37%。而上年輸得最甘嘅中國股票基金，今年繼續弱勢排尾2，情況令人憂慮。

立法會今日三讀通過取消強積金對沖方案，當真可喜可賀。但係要留意，取消對沖真正落實生效要等到2025年。咁即係話，如果你咁唔好彩係呢2025年前俾人裁員，你部分嘅遺散費或長期服務金都會係僱主幫你供嘅強積金上面扣。